Бүгүн, 13-март күнү Ысык-Көл облусунун Балыкчы шаарында казыят, Дин иштери боюнча мамлекеттик комиссиянын (ДИМК) өкүлчүлүгү жана Ысык-Көл облустук ички иштер башкармалыгы (ОИИБ) менен биргеликте шаар тургундары жана активисттери үчүн жыйын өткөрүлдү.

Жыйында Президенттин №54 жарлыгы жана Муфтияттын №5 фатвасы тууралуу маалымат берилип, документтер элге кеңири түшүндүрүлдү. Ошондой эле суициддин, зордук-зомбулуктун, экстремизм менен терроризмдин алдын алуу маселелери талкууланды.

Ысык-Көл облусунун казысы Самидин кары Атабаев өз сөзүндө: «Пайгамбарыбыздан кийин ата-эне биринчи кезекте балдарына үлгү, кумир болуп, аларга туура тарбия берсе», – деп белгиледи.

Жыйындын соңунда элдин суроолоруна жооп берилип, сунуштар угулду. Иш-чарага ДИМКнын Ысык-Көл облусундагы өкүлү Асылбек Мамбетов, ИИМдин экстремизмге жана мыйзамсыз миграцияга каршы аракеттенүү кызматынын башчысы, милициянын полковниги Нурлан Килебаев жана Балыкчы шаардык мэриянын өкүлдөрү катышты.