Талас шаарындагы борбордук мечиттин курулушуна мезгил капсуласы салынды. Бул маанилүү иш-чарага Президенттин Талас облусундагы ыйгарым укуктуу өкүлү Эрмат Джумаев, жергиликтүү Кыргызстан мусулмандарынын Муфтийи Абдулазиз кары Закиров, Кыргызстан Аалымдар Кеңешинин мүчөлөрү, Талас облусунун казысы Сулумбек ажы Самидин кары Атабаев, бийлик өкүлдөрү жана шаар тургундары катышты.
Ачылыш аземде Талас облусунун казысы Узеналиев сөз сүйлөп, мечиттин курулушу тууралуу тааныштырды. Жаңы борбордук мечит 4200 адамга ылайыкталып, заманбап архитектуралык долбоордун негизинде курулат. Мечит бардык талаптарга жооп бере турган шарттар менен камсыздалат. Ибадат кылууга ыңгайлуу кең мейкиндиктен тышкары, өзүнчө имамдын бөлмөсү жана маркумду акыркы сапарга узатуу үчүн атайын жууй турган жана кепиндөө бөлмөлөрү да каралган.
Бул мечит шаардын диний турмушунда өзгөчө мааниге ээ болуп, мусулмандар үчүн зор ыңгайлуулуктарды түзүп берет. Мечит Ринат ажы Солтоновдун демөөрчүлүгү менен курулуп, анын ишке ашырылмакчы. Жергиликтүү бийликтин да колдоосу менен жүзөгө ашууда. Мечиттин курулушу башталышы менен шаар тургундары жана коомчулук арасында чоң кубаныч менен кабыл алынды.
Буга чейин Талас шаардык мэриясы жана тиешелүү мамлекеттик органдар мечиттин курулушу үчүн кошумча жер тилкелерин бөлүп беришкен. Бул өз кезегинде мечиттин аймагын кеңейтип, мечит жамаатына жана шаар тургундарына ыңгайлуу шарттарды түзүүгө чоң мүмкүнчүлүк берет.
Диний баалуулуктарды жайылтууда жана мусулмандарга ыңгайлуу шарттарды түзүүдө мындай долбоорлордун мааниси чоң. Жергиликтүү эл жана демөөрчүлөр курулуш иштерине колдоо көрсөтүүгө даяр экендигин билдиришип, бул иштин ийгиликтүү жыйынтыкталышын каалашты. Ошондой эле Кыргызстан мусулмандарынын Азирети Муфтийи Абдулазиз кары Закиров, Кыргызстан Аалымдар Кеңешинин мүчөлөрү, Бакай-Ата районуна караштуу Ак-Дөбө айылында курула турган Ислам Академиясынын имараты менен таанышып чыгышты. Заманбап үлгүдө салына турган бул академия келечекте элдин руханий дөөлөтүн көтөрүүгө зор салым кошуп, ислам илимин тереңдетип үйрөнүүгө мүмкүнчүлүк түзөт. Академияда диний билим берүү менен катар, адеп-ахлак, тарбия жүргүзүлүп, ал Кыргызстандагы эң алдыңкы диний окуу жайлардын бири болуп каларына тилектештигин билдирди.
