Ысык-Көл облусунун Тоң районунда Президенттин №54 жарлыгын, Муфтияттын №5 фатвасын, «Улуттук дем-дүйнөлүк бийиктик» уңгу жолун элге жеткирүү, ошондой эле суициддин, зордук-зомбулуктун алдын алуу жана таалим-тарбия маселелери боюнча чоң жыйын болуп өттү.

Жыйын Ысык-Көл казыяты, Тоң райондук мамлекеттик администрациясы жана Тоң райондук ички иштер бөлүмү тарабынан уюштурулду.

Жыйынга Тоң районунун бардык айыл өкмөттөрүнүн жетекчилери, айыл башчылары, имамдар жана активдер катышып, алынган маалыматтарды өз аймактарынын элине жеткирүү максатында угушту.

Иш-чара суроо-жооп менен коштолуп, катышуучулар тарабынан сунуштар айтылып, жыйын өз максатына жетти.

Жыйынга төмөнкүлөр катышты: Тоң районунун акими Бактыбек Осмонов, Ысык-Көл облусунун мусулмандарынын казысы Самидин кары Атабаев, Тоң РИИБ башчысы Шабданбек Илимгазиев, Тоң районунун прокурору Айдар Сыдалиев, айыл өкмөт башчылары, айыл башчылар, имамдар жана жергиликтүү активисттер.