Талас районуна караштуу Кеңеш айылынын жаштары ыйык Рамазан айынын урматына айыл имамы Таалайбек Сулаймановду куттукташып, умра сапарына жолдомо тапшырышты. Айыл тургундары жана жигердүү жаштар Таалайбек Сулаймановдун диний багыттагы эмгегин жогору баалап, бир канча жылдан бери эмгектенип келе жаткан жана анын эл арасында руханий баалуулуктарды жайылтуудагы орду чоң экенин белгилешти.
Өз кезегинде, айыл имамы мындай чоң белек жана сый-урмат үчүн жаштарга терең ыраазычылык билдирип, Рамазан айынын берекеси ар бир үй-бүлөгө тынчтык, ынтымак жана ырыскы алып келишин тиледи.