Ош облусуна караштуу Ноокат районунун баш имам-хатиби Бекназар ажы Жапаров райондогу 550 үй-бүлөгө жардам баштыкчалары таратылгандыгын билдирди.

Аталган кайрымдуулук иш-чарасы Ноокат районундагы Мирмахмудов, Гүлистан жана Көк-Жар айыл өкмөттөрүндө жайгашкан төмөнкү мечиттерде өткөрүлдү.

— Гүлистан айыл өкмөтүндөгү «Бостон» мечитинде 60 үй-бүлөгө, «Абу Ханифа» мечитинде 160 үй-бүлөгө;

— Мирмахмудов айыл өкмөтүндөгү «Молдо Абдукаххар» мечитинде 100 үй-бүлөгө;

— Көк-Жар айыл өкмөтүндөгү «Борбаш» жана «Алашан 1» мечиттеринде 230 үй-бүлөгө;

«Жыл сайын Рамазан айында имамдарыбыз кайрымдуулук иштерин өткөрүүдө өздөрүнүн активдүүлүгүн көрсөтүп келишүүдө. Берекелүү Рамазан айында жакшылык иштерди жасоодо имамдарыбыздын демилгесин колдоого алган жергиликтүү жамаатка ыраазычылык билдиребиз. Буйруса элибиздин берешендиги менен кайрымдуулук иштери жер-жерлерде улана бермекчи. Аллахым өлкөбүзгө тынчтык, элибизге ынтымак берсин», – деди баш имам-хатиб Бекназар ажы Жапаров.

Айта кетсек, аталган кайрымдуулук иштериндеги 550 үй-бүлөгө таратылган жардам баштыкчалары үчүн 890 миң сом акча каражаты сарпталган.