Кыргыз Республикасынын Дин иштери боюнча мамлекеттик комиссиясы (КР ДИМК) жана Кыргызстан мусулмандарынын Дин башкармалыгы тарабынан Баткен шаарында жайгашкан №2022 жана №2053 чек ара аскер бөлүктөрүндө ооз ачуу уюштурулду.
Ооз ачарга президенттин Баткен облусундагы ыйгарым укуктуу өкүлү, Баткен районунун акими, Баткен шаарынын мэри, Дин иштери боюнча мамлекеттик комиссиясынын төрагасы, Кыргызстан мусулмандарынын Азирети Муфтийи Абдилазиз кары Закиров, Аалымдар Кеңешинин төрагасы, муфтийдин орун басарлары, КМДБнын кызматкерлери жана чек арада кызмат өтөгөн жоокерлер катышты.
Иш-чаранын жүрүшүндө үй-бүлө жана Мекенди сүйүү темаларына арналган баяндар айтылып, аскер кызматкерлерине моралдык колдоо көрсөтүлдү. Ооз ачар соңунда жоокерлердин ардактуу кызматына ийгилик кааланып, тынчтык тиленди.
Бул иш-чара жыл сайын өткөрүлүп, чек арадагы аскерлерге моралдык дем берүү максатын көздөйт.
