Боордош Казакстан өлкөсүнүн баш калаасында «Хусн-и хат: Орто Азияда ислам каллиграфиясы» аттуу көргөзмө уюштурулуп, ага Кыргызстан, Казакстан, Өзбекстан, Тажикстан жана Түркмөнстандан каллиграфтар катышууда. Исламдын кооз жазма искусствосун даңазалаган саамалыкка Кыргызстандын атынан белгилүү каллиграф Саифуддин Кожомуратов чакырылып, өзүнүн эмгектерин тартуулоодо.

30 дай экспонат тартууланган көргөзмөдө көз жоосун алган аят-хадис кол жазмалары, Азирети Мухаммед (с.а.в.) тарабынан Византия жана Бахрейн падышаларына жазган катынын көчүрмөсү сыяктуу уникалдуу хат үлгүлөрү бар.

Аталган иш-чарага катышып жаткан кыргызстандык каллиграф көргөзмө 3 күнгө созуларын, саамалыкка Кыргызстан мусулмандарынын Азирети Муфтийинин колдоосу менен келгенин билдирди.