Жалал-Абад облусунун Сузак районунда узап бараткан Рамазанга карата жардамга муктаж 110 үй-бүлөгө азык-түлүк берилди. Райондун баш имам-хатиби Жунус ажы Исмаилов муктаждарга жардам баштыкчаларын тапшырып жатып, “Садака ырыскынын көбөйүүсүнө, өмүрдүн узун болуусуна жана ар түрдүү балээден алыс болууга себеп болгон сооптуу амал. Ошондуктан ар бирибиз колубуздан келишинче кайрымдуулук иштерди жасап, жоомарт бололу. Сүйүктүү Пайгамбарыбыз (с.а.в.) өзүнүн куттуу хадисинде “Алган колдон берүүчү кол жакшыраак” деген. Ошондуктан жүрөгүбүздө жоомарттык, берешендик сезимдери уялай берсин”, – деди.