Кечээ, 30-март күнү Ош облусуна караштуу Кара-Кулжа районунун баш имам-хатиби Дастан ажы Мамаев жергиликтүү жаштар хатибият менен биргеликте Орозо Айт майрамына карата 1500 балмуздак таратып, байге фонду 150 миң сомду түзгөн спорттук мелдеш өткөрүлгөнүн билдирди.
«Хатибият демилгелеп, жыл сайын Айт майрамында спорттук мелдештер өткөрүлүп келинүүдө. Бул жылы да жергиликтүү жаштардын колдоосу менен демилгебиз ишке ашып жатат», – деди баш имам-хатиб Дастан ажы Мамаев.
Айта кетсек, аталган мелдеште спорттун күрөш, кол күрөш, таяк тартыш, бука тартыш, таш көтөрүү жана волейбол оюндары өткөрүлдү.