Таш-Көмүр шаарынын баш имам-хатибине шаардыктар автоунаа белек кылышты

Жалал-Абад облусунун Таш-Көмүр шаарынын тургундары шаардын баш имам-хатиби Мураталы ажы Мансуровго Honda Fit үлгүсүндөгү автоунаа белек кылышты.

Шаар тургундары баш имам-хатибдин ислам динине жана шаар тургундарынын ортосундагы ынтымак менен биримдикти бекемдөөдө, балдарды адептүүлүк менен ыймандуулукка үндөөдө жасап жаткан зор иштерин, шаардын, өлкөнүн өнүгүүсүнө кошуп жаткан салымын айтып, унаанын ачкычын тапшырышты.

Шаардын баш имам-хатиби Мураталы ажы Мансуров элге кылган эмгектин акыбети кайтарын, эң башкысы Аллахтын ыраазычылыгы үчүн талыкпай кызмат кыла берүү керектигин баса белгилеп, эмгегин баалап жаткан элине, шаардыктарга өзүнүн ыраазычылыгын билдирди.