Ош облусунун Кара-Суу районуна караштуу Кызыл-Кыштак айыл аймагындагы ‟Ажимат ажы Ата” атындагы ‟Фиисабилиллах” мечитинин жамааты чек ара окуясынан жабыр тарткан Баткен элине 250000 сомдук азык-түлүк, кийим-кече жана үй тиричилигине керектүү буюмдарды жөнөтүштү.
Демилге мечит имамы Фарходжон Юсупов тарабынан көтөрүлдү жана жамаат тарабынан коолдого алынды.
«Бершендигибиз күн сайын артып улана берет. Ушуну менен биздин районго караштуу мечиттердин экинчиси Баткен элине өз жардамын жөнөтүштү. Мындан сырткары имамдарыбыз демилге иштеринде активдүү иш алып барышууда. Мындай жардамдар башка мечиттерибизде дагы улантылуусу күтүлүүдө», — деди Кара-Суу районунун башкы имам хатиби Абдирашит ажы Батыров.
