Ракиев Замир Шейшенбекович — Бишкек шаарынын мусулмандар казысы

Ракиев Замир Шейшенбекович

Ракиев Замир кары Шейшенбекович 1978-жылдын 15-февралында Нарын облусунун Кочкор районуна караштуу Шамшы айылында төрөлгөн. Жогорку билимдүү. Бишкек борбордук мечитинин Куран жаттоо медресесин аяктаган.

Билими:

Египеттеги Аль Азхар Ислам университетинен билим алууну улантып, «Университетке даярдоо курсу» жана «Дин негиздери» багыты боюнча билимин жогорулаткан. Бишкек гуманитардык университетинен «Чыгыш таануу — Магистр» адистигине ээ болгон.

Эмгек жолу:

  • 2007-2008 — Чүй облусунун Аламүдүн району, «Абу Бакр Сыддык» медресесинин мугалими;
  • 2008-2010 — Чүй облусунун Аламүдүн району, «Абу Бакр Сыддык» медресесинин директору;
  • 2010-2011 — Нарын облусунун казысы;
  • 2011-2016 — Кыргызстан мусулмандарынын Азирети муфтийинин орун басары;
  • 2016-2017 — Кыргызстан мусулмандар дин башкармалыгынын окуу бөлүмүнүн башчысы;
  • 2017-жылдын май айынан тарта муфтийдин орун басары болуп эмгектенип келген.

2020-жылдын 10-августунда Бишкек шаарынын казысы болуп дайындалды.

Үй-бүлөлүү, бир уул, эки кыздын атасы.
Араб, орус тилдеринде эркин сүйлөйт.