Бүгүн, 22-декабрь күнү Ош облусунда КМДБ «Куран Ордо» диний уюму менен бирге уюштуруп жаткан алгачкы жолку кыз-келиндер араcындагы ыйык Курандын 15 жана 30 параларын жатка окуу боюнча «Куран жазы» жарышынын облустук этабы болуп өттү.

«Урматтуу Куран жаттаган асылзат айымдар. Сиздер эң улуу иш менен алек болуп жатасыздар. 15 пара жаттагандарга толук жаттоону, ал эми толук жаттагандардын илим-билимин көбөйтүүнү насип кылсын», – деди Ош облусунун казысы Сайдамир ажы Жейналиев.

Ал эми калыстар тобунун төрагасы Абдусами кары Бегмуратов Куран жарышынын катышуучуларына ыраазычылык билдириди.

«Куран жаттаган хафиздер эң оболу бышыктыгына, андан соң тажуидине, соңунда кооз окуусуна карап бааланат. Байгелүү орунду ээлеген кары кыздарга ийгилик каалайбыз. Эми Бишкекке жакшы даярданып барып, облусубуздун атын чыгарып келгиле»,-дедиАбдусами кары Бегмуратов.