Бүгүн, 16-февралда VII чакырылыштагы Кыргызстан мусулмандарынын Аалымдар Кеңешинин 3-протоколук жыйыны өтүп, анда Кыргызстан мусулмандарынын Дин Башкармалыгынын отчётун угуу, жылдык иш планды бекитүү, зекет, үшүр жана садака-фитирдин өлчөмдөрүн аныктоо, Борбордук Текшерүү комиссиясынын курамын бекитүү жана башка бир катар маселелер талкууланды.
Аалымдар Кеңешинин курамы Кыргызстан мусулмандарынын Дин Башкармалыгынын, Азирети Муфтийдин жана БТКнын 2021-жылдагы ишмердүүлүгүнө «Эң жакшы» деген жогорку баасын берди.
Мындан тышкары 2022-жылга карата КМДБнын иш планы бекитилип, анын үстүнөн иштөө боюнча Азирети Муфтийдин орун басарларына, бөлүм башчыларына бир катар тапшырмалар жүктөлдү.
