Нарын облусуна караштуу Кочкор районунун РИИБнин башчысынын орун басары, милициянын подполковниги Кайрат Садыбакасов, БИИнин аймактык инспектору Нурлан уулу Нурсултан жана Кочкор районунун баш имам-хатиби Женишбек Арзымкожоевдер райондогу Кызыл-Дөбө, Дөң-Алыш, Кара-Мойнок айылдарындагы орто мектептердин 7-8-9-10-11-класстын окуучуларына профилактикалык түшүндүрүү иштери жүргүзүп, лекциялар окушту.

Саамалыкта окуучуларга зордук-зомбулуктун алдын алуу, балдар арасында кылмыштуулукка жол бербөө, эрте никеге турууну болтурбоо боюнча керектүү маалыматтар берилип, мыйзам бузулган учурда чара көрүлөрү эскертилди.

Сөз алган баш имам-хатиб: «Бул жөн гана айтыла салган сөз эмес. Баарыбыз мыйзамга баш ийишибиз керек. Жаратканым насип кылса тез эле эрезеге жетип, ата-эне болосуңар. Тамак-аштын камын көрүү, тамташ салуу, балага табия берип, үй-бүлөгө шарт түзүү ата-эненин милдети. Ошондуктан азыртан татыктуу билим алып, терс көрүнүштөргө кадам салбай, изденгениңер илим болсо, келечекте ийгилик жараткан мыкты инсандардан болосуңар», – деди Кочкор районунун баш имам-хатиби Жеңишбек Арзымкожоев.