Жунус ажы Исмаилов – Жалал-Абад шаарынын баш имам-хатиби кызматынан Сузак районунун баш имам-хатиби кызматына дайындалды. Тиешелүү буйрукка облус казысы Нематулла ажы Жээнбеков кол койду.
Жаңы дайындалган райондун баш имам-хатибин облус казысы жамаатка тааныштырып, иштерине ийгиликтерди каалады. Жунус ажы Исмаилов 2022-жылдын ноябрь айынан бери Жалал-Абад шаарынын баш имам-хатиби болуп иштеп келген.
Өмүр таржымалы жана эмгек жолу:
Исмаилов Жунус Жумурович 1980-жылдын 11-октябрында Сузак районунун Кара-Чолок айылында туулган. Билими – жогорку, ОШМУнун теология факультетине 1997-жылы тапшырып, 2002-жылы ийгиликтүү аяктаган.
2003-2006-жылдары Сузак районун Жаны-Дыйкан орто мектебинде мугалим;
2006-2008-жылдары Сузак районунун А. П. Гайдар орто мектебинде мугалим;
2008-жылы Сузак районунун билим берүү бөлүмүндө убактылуу кадрлар бөлүмүнүн башчысы;
2010-жылы Сузак районунун Кара-Чолок айылында «Кара-Чолок» жума мечитинин имамы;
2011-жылы Жалал-Абад облусунун мусулмандарынын казыятынын дават боюнча адиси;
2015-жылы Курманбек айыл өкмөтүнүн имам-хатиби;
Ошол эле жылы Сузак районунун баш имам-хатиби;
2022-жылы ноябрь айынан 2024-жылдын май айына чейин Жалал-Абад шаарынын баш имам-хатиби кызматын аркалап келген.
Жунус ажы Исмаиловго 2021-жылы Сузак районунун ардактуу атуулу деген наам ыйгарылган.
Үй-бүлөлүү, 3 уулдун атасы.
