Бишкек шаардык казыятына караштуу «Жанбото Ата» мечитинин имам хатиби Камилжан ажы Муратовдун демилгеси менен бир нече айдан бери уюштурулуп келе жаткан кайрымдуулук иш-чарасы бул жума да улантылды.
Бул жолу Бишкек шаарында Алла Тааланын сыноосу менен рак илдетине чалдыккан оорукчан апага 5 000 сом акчалай жардам берилди.
«Жамаатыбыздан соопчулук үчүн деп катуу оорууга чалдыккан эжекебизге аз да болсо жардам болсун деп 5 000 сомдук жардам бердик. Дайым эле айтып келе жатабыз: Жардам берүүдө биздин максат-толук муктаждыгын чечип берүү эмес, колубуздан келишинче аз да болсо салым кошуу, башкаларды да муктаждарга жардам берүүгө чакыруу болуп саналат. Жардам берген кишилер ар дайымкыдай купуя бойдон гана кала бермекчи»,-деди Камилжан ажы.
