Бул туурасында райондук баш имам хатиб Максат Сейталиев билдирди. Райондук хатибияттын демилгеси менен райондогу имамдар биргеликте даават кербенин уюштуруп, учурда айылдарды кыдырып, жергиликтүү тургундар менен кезигип, активдү иш алып барышууда.

“ Аймактарды өнүктүрүү жана өлкөнү санариптештирүү жылынын алкагында аткарылып жаткан бул иш өзүнүн жемиштүү жыйынтыгын берүүдө”,- дейт Максат Сейталиев. Өз учурунда эл менен жолугушуу, кароосуз калган карыяларды зыярат кылуу, жардамдарды көрсөтүү, мектеп окуучулары менен жолугушуу жана жетишсиз турмушта жашаган үй-бүлөөлөрдүн санын тактап, балдарынын билим алышына колдон келген жардамдарды көрсөтүү сыяктуу иштер дагы аткарылып, кийинкиге пландаштырылууда.

“Алдыда дагы жылдык ишмердүүлүктү толук жыйынтыктап, бул даават кербенинде аткарылбай калган иштерибизди аткарып, улантмакчыбыз”,- деп кошумчалады баш имам хатиб.