Нарын облустук мусулмандар казыятынын Кочкор хатибияты тарабынан аз камсыз болгон үй-бүлөлөргө жардам көрсөтүлдү. Бул тууралуу Кочкор районунун баш имам хатиби Жеңишбек Арзымкожоев билдирди.
Анын билдиргенине караганда, кечээ 2- апрель күнү Кочкор райондук хатибияты демөөрчүлөрдүн жардамы менен 25 аз камсыз болгон үй-бүлөлөргө ар бирине 1 мүшөк ун жардам көрсөттү.
Кочкор районунун баш имам хатиби Жеңишбек Арзымкожоев демөөрчүлөрдүн аманатын, ар бир муктаж үй-бүлөгө өз дарегине жеткирип берди.
«Демөөрчүлөрдүн иштерине ийгилик каалайбыз, ушундай кыйынчылык учурда көмөк көрсөткөндүктөрү үчүн ыраазычылык билдиребиз»,- деди баш имам хатиб.
