![](https://muftiyat.kg/wp-content/uploads/2021/04/dd70eb7f-2715-473d-a85b-0ed19f49bbf1.jpg)
Кыргызстан Мусулмандарынын Дин Башкармалыгынын Орусиядагы өкүлү Сүйүмбек ажы Жусубалиев Жалал-Абад облусунун мусулмандар казысы Нематулла ажы Жээнбеков менен жолугушту. Эки тараптуу жолугушууда облус казысы казыяттын ишмердүүлүгү жана алдыда аткарылуучу пландар менен тааныштырды.
Муну менен катар Орусиядагы мекендештердин ыйманы, адеп-ахлагы жана үй-бүлө, соода-сатык маселелеринде жаралган суроолорго КМДБнын Орусиядагы өкүлү тарабынан жооптор берилип, түшүндүрүү иштери байма-бай жүрүп жаткандыгы айтылды.
«Орусиядагы жарандарыбызга үй-бүлө, соода, адал-арам жана терс диний агымдардын алдын алууда дайыма түшүндүрүү иштерин жүргүзүп келебиз»,-деди Сүйүмбек ажы Жусубалиев.
Андан соң, облус казысы менен КМДБнын Орусиядагы өкүлү Тажыбай Жалиловго жолугушуп, мурдагы Аалымдар Кеңешинин мүчөсү, маркум дин аалымы Чубак ажы Жалиловго Куран окуп, дуба кылышты.
![](https://muftiyat.kg/wp-content/uploads/2021/04/4fc7101d-26cd-4aee-a0ac-916f3970a636.jpg)