Талас облусунун мусулмандар казысы Сулумбек ажы Узеналиев казыят жана райондук баш имам хатибдерге жыйын өтүп, жарым жылдыкта аткарылуучу иштердин планын талкуулады.
Жыйын учурунда облус казысы баш имам хатибтердин ишмердүүлүгү менен таанышып, казыят жана хатибияттардын ишин алдыга жылдыруу боюнча бир нече сунуштарын айтты.
Облус казысы бардык райондорду жергиликтүү бийлик өкүлдөрү, райондогу дин кызматкерлери менен жолугушууларды өткөрүү зарылдыгы бар экендигин айтып, жакынкы күндөргө пландалды. Ошондой эле облус казысы пандемияга карата бардык мечиттерде санитардык көзөмөлдү күчөтүүгө чакырды.