![](https://muftiyat.kg/wp-content/uploads/2022/04/MUF_4427.jpg)
Кыргызстан мусулмандарынын Дин Башкармалыгы электрондук капчыктын «жетим балдарга» бөлүгүнө келип түшкөн 250 000 сомду ата-энесинен ажыраган же атасынан айрылып, апасы, энеси жана жакын туугандары менен күн кечип келе жаткан 50 үй-бүлөгө 5 000 сомдон таратты.
Кайрымдуулук иш-чарасына Кыргызстан мусулмандарынын Азирети Муфтийи Замир кары Ракиев катышып, ата-энесинен айрылган балдарга көңүл айтып, Алла Тааладан бардык жакшылыктарды тилеп дуба кылды.
«Электрондук капчыктар аркылуу садака-фитир, кайрымдуулук, зекет жана жетим балдарга деп атайын эсептик счеттор ачылган. Бүгүн минтип электрондук капчыктардан чогулган 250 000 сомду таратып, элибиздин аманатынан кутулуудабыз. Кайрымдуулуктарын берген элибизге да дуба кылышыбыз керек»,-деди Азирети Муфтий.
![](https://muftiyat.kg/wp-content/uploads/2022/04/MUF_4427-1.jpg)
![](https://muftiyat.kg/wp-content/uploads/2022/04/MUF_4445.jpg)
![](https://muftiyat.kg/wp-content/uploads/2022/04/MUF_4414.jpg)