![](https://muftiyat.kg/wp-content/uploads/2022/07/d7fedc7a-9363-4bcd-8add-907172f2a989.jpg)
Кара-Суу районундагы “Исмаил ата” борбордук мечитинде районго караштуу жардамга муктаж 50 үй-бүлөгө 150 миң сом 2022-жылы топтолгон садака-фитирдин эсебинен таратылып берилди. Кайрымдуулук иш-чарасы Кара-Суу райондук мамлекеттик администрациясы менен биргеликте уюштурулган.
“Кыргызстан мусулмандарынын Дин Башкармалыгынын тапшырмасы жана Ош облустук мусулмандарынын казыятынын көрсөтмөсү менен кайрымдуулук иш-чара уюштурулду. 2022-жылы топтолгон садака-фитирдин эсебинен 50 үй-бүлөнүн ар бирине 3 миң сомдон акчалай жардам берилди”,- деди Кара-Суу районунун баш имам хатиби Абдирашит ажы Батыров.
Эске салсак, быйылкы жылы райондук хатибиятка 275 584 сом садака-фитир келип түшкөн болсо, буга чейин муктаждар үчүн 125 584 сом таратылган.
![](https://muftiyat.kg/wp-content/uploads/2022/07/eda0899d-6087-43da-b0b2-c108a8a1806c.jpg)
![](https://muftiyat.kg/wp-content/uploads/2022/07/66a67bc8-f7a3-4651-b3ce-e2af4606d224.jpg)
![](https://muftiyat.kg/wp-content/uploads/2022/07/0e8f7e66-ccc5-49d5-b933-32dc39db24b8.jpg)