Жалал- Абад облусунун Майлуу-Суу шаарындагы «Абдуллах ибн Масъуд» атындагы борбордук мечит капиталдык оңдоп-түзөөдөн өттү. Мечитти оңдоо иштери»Ассанаабил» кайрымдуулук фонду тарабынан 2021-жылдын апрель айында башталып, ага Майлуу-Суу шаарынын тургундары дагы колдоо көрсөтүшкөн.
«Мечиттин ичи-сырты, чатыры оңдолуп, короосуна брусчатка төшөлдү. Мечиттин айланасы ирээтке келтирилип, жаңы даараткана курулду. Жаңы аппаратура жана люстралар орнотулду. Мечиттин оңдоп-түзөөдөн өткөрүүгө салым кошкондорго ыраазыбыз»,-деди баш имам-хатиб Абдусатар ажы Эркинбеков.
