![](https://muftiyat.kg/wp-content/uploads/2022/09/IMG-20220917-WA0010.jpg)
Жалал-Абад шаарынын баш имам-хатиби Ислам ажы Амиршаевдин демилгеси менен мечиттерде «Тазалык – бул ыймандан» аттуу ишембиликтер өткөрүлдү. Тазалык иш-чарасына шаардын имамдары жана мечиттердин жамааты активдүү катышты.
«Динибиз тазалыктын үстүнө курулган. Бүгүнкү тазалык иш-чарасына катышкан имамдарыбызга жана жамааттарыбызга терең ыраазычылык билдирем. Шаарыбыздагы дин кызматкерлери буга чейинки шаардык деңгээлдеги кандай гана иш-чаралар болбосун, өздөрүнүн активдүүлүгүн көрсөтүп, салымдарын кошуп келишет», – деди Ислам ажы.
Эскерте кетсек, күз мезгилинин келгенине байланыштуу Азирети Муфтий мечиттерде жана мечит короолорунда ишембиликтерди өткөрүү боюнча тапшырма берген.