![](https://muftiyat.kg/wp-content/uploads/2022/10/3a808890-f6ca-4f92-9037-ffd673091d49.jpg)
Жалал-Абад облусунда «Таза Мурас» өнөктүгүнүн алкагында күзгү тазалык иш-чаралары өткөрүлүп, ага жалпы дин кызматкерлери тартылды. Имамдар баштаган жергиликтүү тургундар мечиттердин ичин жана айланасын иретке келтирип, таштандылар чыгарылды.
“Динибиз тазалыктын үстүнө курулган эмеспи. Момун-мусулман моралдык жактан да, физикалык жактан да таза болууга тийиш. Бүгүнкү саамалыктын шарапаты менен мечиттерибиздин айланасын тазалоодон өткөрдүк”, – деп билдирди облус казысы Нематулла ажы Жээнбеков.
Облус казысынын айтымында, алыскы район жана шаарлардагы мечиттерде да ишембиликтер уюштурулду.