![](https://muftiyat.kg/wp-content/uploads/2022/10/8a105570-95b6-41f9-ac01-30a0550ead1d.jpg)
Чүй облусунун Ысык-Ата районунун хатибиятына караштуу Кочкорбаев айыл өкмөтүнүн Кеңеш айылында комплекси менен жаңы мечит ачылды. Мечит-комплексте мечит, кыздар билим алуучу окуу корпусу, тигүүчүлүк цехи, компьютердик класс жана төрт орунду чачтарачкана бар. Аталган комплекске Ас-Сафа фонду демөөрчүлүк кылган.
Ачылыш аземине ЖК депутаты Карим Ханджеза, Кыргызстан аксакалдарынын төрагасы Өмүрбек Уметалиев, Ысык-Ата районунун акими Алмазбек Осмонов, райондун баш имам-хатиби Бактыбек ажы Убабеков, Кочкорбай айыл өкмөтүнүн башчысы Эркин Усупов жана жергиликтүү тургундар катышты.
Ачылыш аземинде Пайгамбарыбызга (с.а.в) мавлид окулуп, катышуучуларга сый тамак тартылды.