![](https://muftiyat.kg/wp-content/uploads/2022/10/WhatsApp-Image-2022-10-20-at-14.25.14.jpeg)
Жалал-Абад облусунда диний мекемелердин кышка карата даярдыгы кызуу жүрүп жатат. Анын алкагында Эл аралык «Smart Generation» (Смарт Дженерейшн) коомдук фонду тарабынан Жалал-Абад облустук мусулмандарынын казыятына 5 тонна көмүр жардам иретинде тапшырылды. «Кара алтынды» аталган фонддун Кыргызстандагы атайын өкүлү Мухаммад Айди тапшырды.
Жардам иретинде келген көмүрдү кабыл алган Жалал-Абад облустук мусулмандарынын казысы Нематулла ажы Жээнбеков облустук казыяттын атынан ыраазычылык билдирсе, казыяттын окуу бөлүмүн адиси Дилмурат ажы Орозов фондго ийгиликтерди каалап, бата берди.