Баткен облусунун мусулмандарынын казыятынын жыйындар залында облустагы район, шаардын имамдарынын жана медресе мүдүрлөрүнүн катышуусунда жыйын болуп өттү. Жыйынга Баткен облусунун казысы Нуридин ажы Мамасабиров, казыят кызматкерлери, район, шаарлардын баш имам-хатибдери жана медресе мүдүрлөрү катышты.

Жыйында ар бир район, шаарлардын баш имам-хатибдери жана медресе мүдүрлөрү тогуз ай ичинде аткарган иштери боюнча төмөнкү 7 критерийдин негизинде отчёт берди.

КМДБ жана казыят тарабынан чыгарылган буйруктардын аткарылышы боюнча;
9 ай ичинде аткарылган (конференция, семинар, тренинг жана башка аткарылган иштер, цифра менен):
Мечиттердин катоосуу тууралуу отчёт;
Аялдар жана жаштар менен иш алып баруу боюнча иштер;
Ысырапкерчиликке жол бербөө боюнча Жарлыктын аткарылышы;
Экстремизм жана терроризмге каршы түшүндүрүү иштери боюнча отчёт;
КМДБнын сайтына жаңылык маалымат берүү боюнча.

Иш-чара суроо-жооп форматында уланып, катышуучулардын сунуш-пикиринин негизинде эсептик каттоодон өтө элек мечиттерди тез арада каттоо, медреселерде КМДБ бекиткен окуу программасына ылайык окутуу жүргүзүү, кыш мезгилине карата даярдык көрүү тапшырмасы берилди.