![](https://muftiyat.kg/wp-content/uploads/2022/10/ec2ad0d9-4482-4902-ab26-83222016d225shutterstock_1337975681.jpg)
Чүй облусунун Москва районуна караштуу Садовое айылындагы «Городок» мечитинин имамы Акылбек Күмүшбековдун демилгеси менен жаш өспүрүмдөр арасында Куран окуу жарышы болуп өттү. Куран жарышка Ас-Сафа коомдук фондунун өкүлү шейх Мухаммад Абдурохман Альшая катышты.
Аталган сынак кыздар жана балдар арасында өзүнчө өткөрүлүп, жеңүүчүлөргө кызыктыруучу белектер жана акчалай сыйлыктар ыйгарылды. Иш-чаранын демилгечиси Акылбек Күмүшбеков жалпы катышуучуларга ийгилик каалоо менен төмөнкүлөргө токтолду:
«Балдарыбыз – биздин байлыгыбыз. Аларды Куранга жакын тарбиялашыбыз керек. Балдарыбыз жакшы окушсун, ошону менен катар шарият илимин алып сабаттуу болсун деп Жараткандан тилейбиз».
Мечит имамы иш-чараны сүрөөнгө алган «Ас-Сафа» кайрымдуулук фондунун жетекчилигине жана анын өкүлү шейх Мухаммад Абдурохман Альшаяга ыраазычылык билдирди.