![](https://muftiyat.kg/wp-content/uploads/2022/11/5e29ecec-ff5d-49ab-9505-e7bd0a241fb5.jpg)
Баткен районунун баш имам-хатиби Абдурашид ажы Юнусов Баткен ШИИБнин кызматкерлери менен биргеликте Баткен шаарындагы №3 мектептин окуучулары менен жолугушту. Баш имам-хатиб жолугушуунун жүрүшүндө окуучуларга зордук-зомбулукка каршы туруу, адеп-ахлак жана орчундуу маселелердин бири болгон суицид туурасында баяндама жасады.
Ошондой эле үй бүлөдөгү зордук-зомбулукту болтурбай коюу үчүн ар бир ата-эне өзүнөн баштоо зарылдыгы жана балдарга туура тарбия берүү керектиги айтылды.
«Үй-бүлөдөгү зордук-зомбулук жана ар кандай терс жолдорго барган адам динибизде чоң күнөөлөргө кирген болот. Эгер үй-бүлөдө ынтымак, бакубат жашоо болсо, коомубузда да адептүү балдардын саны көбөйөт», – деди Абдурашид ажы Юнусов.
![](https://muftiyat.kg/wp-content/uploads/2022/11/cedc47fd-b0b2-4ea4-9d25-8e7d7ed86de4.jpg)