![](https://muftiyat.kg/wp-content/uploads/2022/12/50e1ace1-bb03-47a0-aaa4-127addce8fa7.jpg)
Лейлек районунун Раззаков шаарына караштуу Мырза-Патча айылында “Молдо Ташмаат” мечитинин ачылышы болуп өттү. Иш-чарага Баткен облусунун казысынын орун басары Муса ажы Жолдошов, казыяттын үгүт-насаат бөлүмүнүн жооптуу адиси Саидахмат ажы Аппазов, Лейлек районунун баш имам-хатиби Сейитбек ажы Полотов, жергиликтүү бийлик өкүлдөрү жана жашоочулар катышты.
Казынын орун басары Муса ажы Жолдошов: “Бул мечитте канчалаган намаз окулса, ошол намаздын сообу мечитке көмөк көрсөткөн адамдарга жетип турат. Бул мечитке салым кошкондордон Алла ыраазы болсун”, – деп билдирсе, Лейлек районунун баш имам-хатиби Сейитбек ажы Полотов: “Жаңы мечиттиңиздер кут болсун, эми ушул мечиттин ичин жамаат менен толтуруп, жандандырыңыздар. Мечитке көмөк көрсөткөн ар бир инсанга ыраазычылык билдирем”, – деди өз куттуктоосунда.
Эскерте кетсек, эски мечиттин жанына салынган бул мечит “Исар” фонду жана Мырза-Патча айылынын тургундарынын колдоосу менен салынды. Жаңы мечит 300 адамга ылайыкталган.