Ош облусунун казысы Сайдамир ажы Жейналиевдин демилгеси менен Азирети Муфтийдин буйругун ишке ашыруу максатында Ыйык Рамазанда кайрымдуулук акциясы уланууда.
КМДБнын «Биз менен ооз ачыңыз» акциясынын алкагында Ош облустук казыяты, Кара-Суу райондук хатибияты, Кара-Суу РИИБнин ЭММКАК жана РИИБнин жол кыймылынын коопсуздугун камсыздоо бөлүмү менен биргеликте 1,8 тонна курма шаар тургундарына жана конокторуна таратылды. «Курма менен ооз ачыңыз» атуу ураан менен өткөн иш-чарага облус казысы Сайдамир ажы Жейналиев, Кара-Суу районунун баш имам-хатиби Абдирашит ажы Батыров, Кара-Суу РИИБнин ЭММКАКы, жол кыймылын коопсуздугун көзөмөлдөө бөлүмүнүн, казыяттын жана хатибияттын кызматкерлери активдүү катышты.
Акцияда 600дөн ашуун баштыкча жана 500 даана зам-зам суу таратылды.
