Ош облусунун Араван районунун баш имам-хатиби Максат кары Сыдыков райондогу аялдардын диний окуу жайларын зыярат кылып, жыйынтыкталып жаткан окуу проссеси менен таанышты.
Зыяраттын алкагында райондун баш имам-хатиби окуу жай жетекчилигин хатибият менен тыгыз байланышта болуп, дайыма биргеликте иш алып баруу жемиштүү болорун айтып, төмөнкүлөргө токтолду:
«Эне – бул мектеп» дейт эмеспи. Андыктан энелер билимдүү болсо келечекте элибизге, жерибизге жана динибизге кызмат кылган уул-кыздарыбыз чыгат. Ар түрдү түшүнүктөр тарап, талаш-тартыштар көбөйгөн учурда районубуздагы айымдарыбыз бир ишеним, бир пикирде болгону жакшы нерсе. Ушул сыяктуу маселелерди эске алып жакындан кызматташалы. Биз да колубуздан келишинче сиздерди колдоп, кубаттап жардамдашып турабыз».
