![](https://muftiyat.kg/wp-content/uploads/2024/01/1208378.26c792a500b6fdd791e1844dbcec9f09.jpg)
Чүй облусунун Токмок шаарындагы «Нурислам» мечитинин имамы Шакир Сахизовдун демилгеси менен 50 муктаж үй-бүлөнүн ар бирине бир кап ун, макарон, күрүч, кумшекер жана суу май таратылды.
«Пайгамбарыбыздын куттуу хадисинде «Садакадан байлык азайбайт» деп айтылган. Азыркы учурда билинбеген менен муктаж үй-бүлөлөр аз эмес. Биз өзүбүздүн гана камыбызды ойлой бербей тууган-урук, кошуна-колоңдордун абалын да сурап туруубуз зарыл. Анткени Аллах Таала Ыйык Куранда «Жакшылыкта жана такыбалыкта бири-бириңерге жардам кылгыла» деп буйрган. Мындан улам колдон келип турган учурда жакшылык кылып калалы», — деп белгиледи аталган мечиттин имамы Шакир Сахизов.