Турсунбеков Абдималик Ибраимович Ош облусунун мусулмандарынын казысынын орун басары болуп дайындалды. Тиешелүү буйрукка облус казысы Сайдамир ажы Жейналиев кол койду.

Абдималик ажы Турсунбековдун өмүр таржымалы

Турсунбеков Абдималик Ибраимович 1980-жылдын 11-апрелинде Жалал-Абад облусунун Аксы районуна караштуу Кызыл-Капчыгай айылында туулган. Кызыл-Капчыгай орто мектебинде билим алган.

Билими: жогорку

1997-2002 — Ош мамлекеттик университетинин теология факультетин бүтүргөн;

2009-2012 — Түркия дин иштери башкармалыгынын Пендик/Хасеки жогорку билим берүү институтунда билим алган;

2015-2017 — Ош облусундагы «Абдыжапар» атындагы ислам институтун ийгиликтүү аяктаган.

Эмгек жолу:

2002-2003 — Ош облустук мусулмандарынын казыятында жооптуу катчы;

2004-2006 — Ош облустук мусулмандарынын казыятында үгүт насаат жана даават иштери боюнча бөлүм башчы;

2007-2009 — Ош облустук мусулмандарынын казысынын орун басары;

2009 — Кыргызстан мусулмандарынын Борбордук көзөмөл комиссиясынын Ош облусундагы өкүлү;

2012-2013 — Абдыжапар ислам институтунда мударрис жана “Даарас-салам” мечитинин имам хатиби;

2013-2014 — Ош облустук мусулмандарынын казыятынын мечит, медреселер боюнча бөлүм башчы;

2014-2023 — Ош шаарындагы “Манас Ата” мечитинде имам-хатиб;

2016-2023 — Ош облустук мусулмандарынын казыятында үгүт-насаат жана мечиттер адиси;

2018-2023 – Кара-Суу районундагы «Жабир» медресесинин мүдүрү;

2017-2024 — Кыргызстан мусулмандарынын Аалымдар Кеңешинин мүчөсү кызматын аркалаган.