![](https://muftiyat.kg/wp-content/uploads/2024/03/1047770847_0_165_1600_1065_2072x0_60_0_0_a432bab76072a6c6e6b7d0b491fa8325.jpg)
Бүгүн, 9-март күнү Ош облусуна караштуу Кара-Суу районунда Рамазан айына карата 820 үй-бүлөгө бир каптан ун таратылды.
Шарк айыл аймагындагы Сармазар мечитинин имам-хатиби Рахимжан ажы Нишанов кайрымдуулук иш-чарасын башында өз баяндамасын жасап, уюштуруучуларга ийгилик каалап ак батасын берди.
«Рамазан айына да саналуу күн калды. Колунда жок муктаж үй-бүлөлөргө ооз бекитип, ооз ачканга азык-түлүктөн жардам катарында бир каптан ун таратууну баштаган демөөрчүлөрдөн Аллахым ыраазы болсун. Берекелүү Рамазан айына карата уюштурган кайрымдуулук иштеринде эселеп сооптор берилет деп үмүт кылабыз», – деди Рахимжан ажы Нишанов.
Аталган иш-чара «Немат» кайрымдуулук фонду тарабынан уюштурулуп, 820 кап унду таратуу үчүн 7 портер тартылган.
![](https://muftiyat.kg/wp-content/uploads/2024/03/IMG_20240309_200655_807.jpg)