![](https://muftiyat.kg/wp-content/uploads/2024/03/1375523.e634eb421a980f024455085e4b57ad52.jpg)
Ысык-Көл облусуна караштуу Балыкчы шаарындагы бардык мечиттерде ишембилик уюштурулду. Балыкчы шаарынын баш имам-хатиби Чойбек ажы Исакунов калаадагы мечиттерди өзү көзөмөлдөп, таза кармалып туруусу үчүн ар дайым ишембилик уюштурулуп турарын билдирди.
«Ислам дининин негизги бөлүктөрүнүн бири — бул тазалык. Андыктан диний кызматкерлер диний мекемелердин тазалыгына абдан көңүл буруубуз зарыл. Ысык-Көл облустук казыяты тарабынан да буйрук келген ишембиликтерди уюштуруу боюнча жалпы мечиттердин ичи-сыртын тазаладык», — деп баш имам-хатиб билдирди.
Белгилей кетсек, КМДБ жетекчилигинин ар бир диний мекемеде ишембилик уюштуруу боюнча буйругун ишке ашыруу максатында облустук казыят тарабынан шаар-райондук хатибияттарга тапшырма берилген. Бирок кээ бир райондордо жаңыдан кар эрип жаткандыгына байланыштуу ишембиликтер кийинчерээк уюштурулат.