![](https://muftiyat.kg/wp-content/uploads/2024/04/WhatsApp-Image-2024-03-29-at-11.05.53-1.jpeg)
Жалал-Абад облусунун мусулмандарынын казыяты жана КР ИИМдин ЖКККББнын Жалал-Абад облусу боюнча жол кыймылынын коопсуздугун камсыздоо бөлүмү менен биргеликте «Өмүр – аманат» жана «Биз менен бирге ооз ачыңыз» аталышындагы иш-чара өткөрүлдү.
Саамалыкта Жалал-Абад шаарынын жана Сузак районунун хатибияты тарабынан атайын орозо баштыкчалары даярдалып, айдоочуларга таратылып берилди. Мындан сырткары Жалал-Абад облусу боюнча жол кыймылынын коопсуздугун камсыздоо бөлүмүнүн кызматкерлери тарабынан айдоочуларга жолдо жүрүүнүн эрежелери айтылып, амандык тиленди.
Айдоочулар улуу Рамазан айынын урматына уюштурулган иш-чараны алкоого алып, көңүл көтөргөн жакшы жышаан экендигин айтып, ыраазычылык сөзү менен бирге ак батасын беришти.
Эске салсак, мындай иш-чараны өлкө аймагы боюнча өткөрүү боюнча Кыргызстан мусулмандарынын Дин башкармалыгы тарабынан тапшырма берилген.