Узап бараткан орозо айынын соңку күндөрүндө Талас облусунун мусулмандарынын казыятында 100 муктаж үй-бүлөгө азык-түлүк баштыгы таратылды.
Кайрымдуулук иш-чарасы Талас облусунун мусулмандарынын казыятынын демилгеси жана жеке ишкер Нуржан Атакановдун колдоосу менен уюштурулду.
Облус казысы Сулумбек ажы Узеналиев катышуучуларды жаңырган орозо айты менен куттуктап, буларга токтолду:
«Кайрымдуулуктун, берешендүүлүктүн айы болгон Рамазан узап баратат. Жакшы күндөрдө кайрымдуулукка кол сунган жеке ишкер Нурлан Атакановго ыраазычылык билдиремин. Алла Таалам кылган кайыр-ихсанын кабыл кылып, тапкан-тутканына береке берсин».
Облус казысы жардам алып жаткан үй-бүлөлөргө бул дүйнө сыноо жашоо экенин, Аллах Тааланын тагдырына ыраазы болуп, шүгүр кылып жашоо керек экенин баяндады. Иш-чара соңунда жалпы дуба кылынды.
Айта кетсек, бул саамалыкта 100 үй-бүлөгө таратылган ар бир баштыкчанын наркы 2000 сомду түздү. Ал эми кайрымдуулуктун жалпы суммасы 200000 сом болду.
