Чүй облусунун Москва районундагы «Таштан ажы» медресесинин мүдүрү Махамадали ажы Махмашариповдун демилгеси менен Москва районунун тургундарына 300 муктаж үй-бүлөгө 300 кап ун, 3 тонна күрүч, 3 тонна суу май таратылып берилди. Ошону менен катар медресе окутуучулары жана студенттери айылдагы муниципалдык жерди тазалашып, 300 түп карагай көчөтүн отургузушту.
«Аллах Таала ыйык Куранда, «Жакшылыкта, такыбалыкта бири- бириңерге көмөктөшкүлө» деп буйруган. Бул өмүргө бир ирет жаралат экенбиз. Мындан улам биз бири-бирибизге жакшылыкты гана каалайлы. Албетте жакшылыктын сыйлыгы бир гана жакшылык», – деп билдирди «Таштан ажы» медресесинин мүдүрү Махамадали ажы Махмашарипов.
