Талас облустук мусулмандарынын казыятында 2024-жылы ажылык сапарга аттанып жаткан болочок ажыларга кезектеги сабак уюштурулду.
Сабакты Талас облусунун мусулмандарынын казысы Сулумбек ажы Узеналиев, казынын орун басары Өмүрзак ажы Абдысамат уулу жана казыяттын үгүт-насаат адиси Замир ажы Кадыралиевдер өтүштү.
«Исламдын беш түркүгү бар. Алардын ичинен бирөөсү ажылык амалы болуп эсептелет. Ажылык бул дене жана мал менен аткара турган фарз амал. Ажылык — бул машакат« деп пайгамбарыбыз (с.а.в.) айткандай, чынында машакат амал, бирок кабыл болгон ажылык болсо, анын сыйлыгы бейиш экени айтылган», — деп билдирди облус казысы.
Ажылыктын амалдары жана ага болгон даярдыктар жөнүндө айтылып, сабактын соңунда жалпы болочок ажыларга дуба кылынды.
Эске салсак Талас облусунан 2024-жылы ажылык сапарга аттангандардын саны 63 адам.
