![](https://muftiyat.kg/wp-content/uploads/2024/05/c2ecf019-20c2-47ff-a9b0-fe40a4dcf75c.jpg)
Баткен облусундагы Кадамжай районунун Айдаркен шаарында №7 Айдаркен, №19 Б.Садыков жана №20 Маканов атындагы орто мектептердин бүтүрүүчүлөрү жана мугалимдери катышкан «Мекенге кызмат мектептен башталат» аттуу иш-чара болуп өттү.
Ынтымак, биримдик, билимдүү болуу пропаганда кылынган иш-чаранын жүрүшүндө Айдаркен шаарынын борбордук мечитинин имам-хатиби Абдимуталиб Усманов учурда тарбияга көбүрөөк көңүл буруу керектигин баса белгиледи.
Ошондой эле кылмыштуулуктун алдын алууга багытталган маалыматтар менен бөлүшүп, окуучуларды туура максат коюуга чакырды: «Ар бир окуучунун максаты, жакшы ниети болуш керек. Ошол ниет окуучуну алдыга жетелейт. Ниет болмоюн, ийгилик жаралбайт. Андыктан бардык окуучуларды жакшы ниет кылууга, чоң максат коюуга чакырам».